BOOK KATTA

Mr. Aniket Salunke

( M.COM , G.D.C & A )

THE FOUNDER OF BOOK KATTA

बुक कट्टा पब्लिकेशन वाचक आणि लेखकांचा हक्काचा कट्टा! पुस्तके वाचनाच्या आवडतीतून २०२१ साली वाचकांसाठी सामाजिक माध्यमातून सुरू झालेला वाचकांचा हक्काचा कट्टा म्हणजेच ' बुक कट्टा’. वाचक आणि पुस्तके यांना केंद्रबिंदू ठेवून सुरू झालेला प्रवास या २०२५ वर्षांत ' बुक कट्टा पब्लिकेशन ' असा झाला आहे. विचारांची आदान प्रदान करून वाचक जोडण्याचा प्रयत्न असतो.सामाजिक माध्यमातून, प्रत्यक्ष भेटीत भेटलेल्या,जोडलेल्या प्रत्येक वाचकाला जास्तीत जास्त वाचकापर्यंत पोहचवण्याचा आमचा प्रामाणिक प्रयत्न नेहमी असतो.प्रकाशन संस्था सुरू करण्यामागे प्रत्येक लेखकाला एक साहित्याची जाण असलेला वाचक म्हणून स्वतः प्रत्यक्षात त्या साहित्याच्या सुरुवातीपासून ते अंतिम वाचकापर्यंत लेखकांचे दर्जेदार साहित्य, लेखन हे वाचकापर्यंत पोहचवण्यासाठी तत्पतर असणारा प्रकाशक मिळावा हा हेतू आहे. प्रत्येक लेखकाला आर्थिक कष्टाचा योग्य मोबदला त्याच्या लेखनाच्या माध्यमातून देण्याचा आम्ही प्रयत्न करणार आहोत.२०२६ या वर्षांत नक्कीच नव्याने कार्यरत राहणार आहे.
पुस्तकांसंबंधी कार्य :
प्रकाशन संस्थेचे कुमार अनिकेत साळुंके हे स्वतः गेली १५ वर्षाहून अधिक काळ विविध पुस्तकांचे साहित्य वाचन करत आहेत. पुस्तक वाचनाच्या आवडीतून त्यांनी २०२१ साली ' बुक कट्टा ' हे सामाजिक माध्यमात प्रत्येक वाचक, लेखक, प्रकाशक, वितरक यांच्यापर्यंत पोहचवण्याचा प्रयत्न करत आहेत. त्यांच्या माध्यमातून कविता तुमच्या आमच्या, अभिवाचन, पुस्तकांवर चर्चा सत्र, कवि संमेलन असे उपक्रम राबवले जातात. पिंपरी चिंचवड शहरातील बुक कट्टा सदस्यांना मोफत पुस्तके वाचनाची सोय त्यांनी केलेली आहे.ते काम गेली ६ वर्षे ते नित्यनियमाने करत आहे. भविष्यात पुस्तकासंबंधी नवे उपक्रम बुक कट्टा माध्यमातून सुरू करणार आहेत. वाचकांना नाविन्यपूर्ण विषय लेखकांच्या माध्यमातून देण्यासाठी, नवीन लेखकांना हक्काचा मंच उपलब्ध व्हावा ही प्रामाणिक इच्छा आहे. बुक कट्टा हा वाचकांचा एक हक्काचा कट्टा झालाय. वाचकांच्या प्रेमामुळेच आता आम्ही त्यात एक प्रकाशकीय जबाबदारी वाढवीत आहोत.
बुक कट्टा प्रकाशन संस्थेचा हेतु :
गेली अनेक दशके वाचन क्षेत्रांत अनेक पुस्तकांची निर्मिती झाली. काळानुरूप वाचक,लेखक बदलत गेले. बऱ्याच लेखकांनी त्यांच्या लेखणीचा ठेवा आपल्यासाठी उपलब्ध करून ठेवला आहे. ज्याचा पुढच्या पिढ्यांना फायदा झाला. साहित्य क्षेत्रांत मोठ्या प्रमाणात बदल झाला हेही तेवढेच खरे आहे. १९९० मध्ये देशाने स्वीकारलेल्या धोरणांचा हळूहळू सर्व क्षेत्रांवर परिणाम झाला ते २०१५ पर्यंत. त्यानंतर टेक्नॉलॉजी प्रसार पावण्यास सुरुवात होऊन युट्यूब, इंस्टाग्राम अशा सामाजिक माध्यमांचा वापर न करणारे अनेक लेखक या टेक्नॉलॉजी सध्याच्या तांत्रिक युगात एकीकडे आहेत हेही तेवढेच सत्य आहे जे नाकारता येणार नाही तर दुसरीकडे कोरोनाकाळानंतर काही प्रकाशन संस्था, नवे लेखक, वितरक, विक्रेते पुस्तकांच्या संबंधी कार्य करणारे अनेकांनी पुस्तकाच्या क्षेत्रांत आपले पाऊल टाकत वाचन चळवळ, वाचन संस्कृती मजबूत करण्यास मदत केली.सर्व पिढीतील लेखक आणि वाचक यांना जोडण्याचे काम पुस्तकांच्या माध्यमातून करण्याचा प्रयत्न करणार आहोत.
बुक कट्टा वाचकांसाठी :
बुक कट्टा हा वाचकांसाठी दर्जेदार पुस्तकांची निर्मिती करण्यासाठी प्रयत्नशील राहील. वाचक हा फक्त ग्राहक नसून तो आमच्या पुस्तक वाचनाच्या चळवळीचा महत्वाचा अविभाज्य भाग आहे. वाचकांसाठी विविध उपक्रम राबवून त्यातून फक्त प्रकाशक आणि वाचक हे नाते न बनवता एक पुस्तकांसाठी असणाऱ्या सदस्याचे एक कुटुंब म्हणून कार्य करू. वाचकांचा वाढता आकडा ही आमच्यासाठी समाधानाची बाब असेल.
बुक कट्टा लेखकांसाठी :
साहित्यात नवीन विचारांची निर्मिती होऊन चांगले साहित्य वाचकांना उपलब्ध करून देण्यासाठी लेखकासोबत आम्ही सोबत असु. त्यांच्या अडचणी, समस्या यांचे तांत्रिकरित्या निरसन करण्यासाठी कार्यप्रणाली अवलंबून काम केले जाईल. साहित्य क्षेत्रातील चांगल्या जाणकार लोकांकडून आपल्या साहित्याचे प्रकाशनपुर्व योग्य मूल्यमापन करूनच लेखकाच्या संमतीने पारदर्शकतेने ठरलेल्या नियम आणि अटींनंतर लेखकाचे साहित्य वाचकांना पोहचवण्याचा निर्धार करूनच या क्षेत्रात आम्ही काम करणार आहोत. जास्तीत जास्त लेखक निर्माण व्हावेत अशी आमची इच्छा आहे.
बुक कट्टा वितरक आणि विक्रेत्यासाठी: बुक कट्टा संबंधित येणाऱ्या वितरक आणि विक्रेत्यांसाठी बुक कट्टा नेहमीच व्यावसायिक साथ देईलच. या सर्व प्रक्रियेत कोणत्याही घटकाचे आर्थिक नुकसान होऊ नये यासाठीची काळजी नक्कीच घेऊ. प्रत्येक घटकाला योग्य न्याय देऊ.
पुढील ध्येय धोरणे :
बुक कट्टा संस्थापक २०२१ ते २०२५ असा प्रवास करत बुक कट्टा प्रकाशन संस्थेची सुरुवात स्वतः कुमार अनिकेत साळुंके यांच्या आत्मकथनाने करून असा सातत्याने वाचकांना पुस्तकांच्या बाबतीत नेहमी नवीन काही तरी देण्याचा प्रामाणिक प्रयत्न करून लेखक ते प्रकाशक अशी नवीन सुरुवात केली आहे. सध्याच्या पिढीतील चांगले वाचक, चांगले लेखक आणखी वाचन करत त्यातूनच नव्या लेखकांची निर्मिती होण्यासाठी बुक कट्टा त्यांच्या सोबत असेल. या सर्व प्रक्रियेत योग्य न्याय ही भूमिका ठेवत प्रयत्न असतील. वाचकांच्या, लेखकांच्या, वितरकांच्या, विक्रेता या सर्वांच्या साथीने नक्कीच भविष्यात आम्ही नवीन विषय वाचकापर्यंत आणू. शेवटी सर्व पिढ्यांना एकत्र घेऊन अनुभवी व्यक्तींचा आशीर्वाद, नव्या लेखकांची ऊर्जा यांना एकत्र घेऊन प्रवास करणार आहोत. बुक कट्टा प्रकाशन संस्था… वाचकांचा आणि लेखकांचा हक्काचा कट्टा!